امي ماتحبني والسبب زوجها
 

مشكلتي الكبرى امي احسها ماتحبني ولا تدانيني مع اني احبها واحترمها كثير لكن اظن السبب زوجها وهذي سالفه قديمه صارت مشكلة كبيرة زمان قبل لا اتزوج بيني وبين زوج امي وللاسف هو طلع منها مثل الشعرة من العجينة وانا الي كليتها المهم سالفه قديمه واحاول اتناسها بما انها بالماضي لكن امي من بعدها تغيرت علي كثير وزوجتني بعمر صغير من اول واحد طق الباب زوجي طيب لكن عيبه يضربني ضرب اذا صارت مشكلة بينا وصبرت سنين لين تعبت وف اخر مره انضربت انفجرت ورحت لامي اشكي لها الحال امي شجعتني ع الطلاق بشدة وانا ماابغى اتطلق امي تكره زوجي واحس انها تكره اولادي يعني بفترة جلوسي عندهم الحين اولادي متعذبين نفسيا من صراخ امي وزوجها عليهم ولما احاول افهم منهم ليش كل هالصراخ ع الصغار القى السبب تافه جدا ومايستحق كل هالصراخ منهم الي ينسمع من الشارع وانا مابيدي شي غير اني ابعدهم من مكان جلستهم امي تعاملها معي ومع اولادي جاف وقاسي وتفضل اخوتي علي وتميز بيني وبينهم بتصرفاتها وتصرخ ع اولادي وتطردهم من عندها وانا قلبي يتقطع عليهم وتهاوشني ع اتفه شي عكس خواتي الي اصغر مني لهم كل الاحترام والحب والله اني تعبت من حالتي القاها من امي ولا من زوجي ولا من زوج امي الي لما يشوفني لحالي يفتح سوالف معي كأني ناقصته وامي ماعجبها الوضع وبنفس الوقت ماتبيني ارد لزوجي وزوجي يحسب اني مرتاحه عندهم لانه يشوف زوج امي يعاملني مثل بناته قدامه مايدري بالماضي الاليم الي عشته في هالبيت المهم انا ابي ارد لزوجي بس هو يبي يتسلط علي ويحرمني من حاجات اشوفها عاديه ومع ذلك بضحي في سبيل ارجع لبيتي بشرط معد يضربني واحس خلاص هو تعود ع ضربي انصحوني وادعولي




اضغط هنا للذهاب لعنوان موضوعنا...