السلام عليكم

ان في حيرة من امري وان شاء الله اجد ضالتي بين ردودكم بإذن الله

انا تزوجت من 10 سنوات كان عمري وقتها 22 من رجل يكبرني سنا ب 5 سنوات تقريبا

كنت فعلا احبه ولا ارى عيوبه ابدا

اول الزواج بعد شهر العسل بكم اسبوع اهله نقلوا عندي وسكنوا عندي لأن عندهم ترميم في بيتهم وطالت المدة إلى سنتين تقريبا كنت دايما اقول فترة وتعدي وهذه الفتره اكتشفت بعض العيوب واعظمها مدمن افلام اباحيه يمارس العادة السريه والعلاقه الزوجية وقتها تكاد لاتذكر بعد مرور سنه اول سنه ونص ذهبنا المستشفى لبعض التحاليل لعدم الانجاب انا عملت كل التحاليل والحمد لله سليمه جا دور زوجي في التحليل كان يتحجج او يأخر المواعيد وبعد جهد جهيد عمل التحليل وكانت الصدمه انه عقيم لا ينجب حتى ان الدكتورة نصحتني وللآن اذكر هالنصيحه اذا يستاهلك تمي عنده مايستاهلك روحي في سبيلك ...
وقتها كان إيماني بالله كبير او ان الحب اعمى لا يرى الاغلاط صبرت وقلت الله لايخيب عبد رجاه

صرت الح على اننا ناخذ موعد حق مستشفى العقم حق الانجاب وكانت اعظم من خوض حرب كان يطلع اعذار مالها حل او يتناسى المواعيد كنا نروح موعد او اربعه بالكثير ويترك البقيه لان ماكان يستخدم العلاجات اسبوع اسبوعين وبعدها يتركها بلا رجعه وهذا الشي تكرر اكثر من مره

في وقت المعاناة للمحاولات معه لإنجاب طفل ... مرضت اخته مرض شديد جدا وانا بحكم ان انا صديقتها ومرة اخوها الاكبر وعدم مبالاة خواتها صرت اتابع معها وفي اخر ايامها تنومت معها كنت اقاسي معها حرارة المرض لكن شاء القدر ان يتوفاها الله وقتها حسيت ان الحياه بلا معنى لحبي لها صرت ابكي مثل المجنونه كأني فاقده قطعه من قلبي ودخلت في دوامه الله كان العالم بهذي المعاناه لدرجة انو وصلت الدكتور النفسي وكانت النصيحة لي ان تنجبي وشوي شوي حتنسي الالم

بعدها عشت في شتات وعدم استقرار من شقه الى شقه بحجة ترميم

بالاضافه الى الاهمال في المأكل والحياة الجافه القاسيه التي لا يرغب العيش فيها حتى الذليل يحرمني من الخروج لتنزه كان يعتبرها تفاهه حارمني من الوظيفه بحجة عدم الاختلاط حتى انني جبرت نفسي في وظيفة حاضنة لأطفال وهو عايش حياته عزايم والحياة حلوة

فكرت في الانفصال 3 مرات اول مره كانت بيني وبينه وصار يبكي ان مايقدر يعيش بدوني وانه كل شي راح يتصلح وقلت ان شاء الله خير وعطيته مهله وهذي المهله ماجت الا عودت ريمه على عادتها القديمه

المره الثانيه علمت اخواني ان خلاص معدر اعيش معه الكل كان مصدوم لان كانوا يشوفوني من (المنعمون في الارض) ولأن محد يعرف بمعاناتي الا اختي كلموه واصلحوا بينا ووعدهم انه مابيصير الا اللي يرضيهم رجعت وانا مكرهه رجعت وهذي الوعود كلها كذب لان عايشه معه كأني ميته او شي جامد لا يتحرك مستحيل يلتفت لي او يناظرني مايناقشني ما يسألني ولو سألته حد الاجابه ينام اذا انا اقعد ويقعد اذا انا انام واذا مانام مشغول بالجوالات ال3 اللي عنده اللي ممنوع حتى اتقرب لهم عايشه معه كأنه مغيب

انا خلاص هالمره قررت اروح بيت اهلي واطلب الطلاق بلا رجعه

بعد ما أفنيت من عمري 10 سنوات للاصلاح والعيشه الكريمه وتحقيق الاستقرار والانجاب وهذا حلم اكل امرأة

هل ظلمته لو ظلمت نفسي

هل الطلاق شي عظيم لدرجة انو تصير خطوة صعبه

افتوني في امري