بسبب ابوي جانا كورونا!
 

السلام عليكم
ياناس مغبونة بشكل لايوصف
امي وابوي بينهم مشاكل لاتعد ولاتحصى
الفترة الاخيرة كانت امي حريصة اشد الحرص انه مايطلع ويخالط الناس الي في عمله
لانها تعاني من ضعف عام في كذا جهاز عندها
بالاضافة لاخوي الكبير المصاب بالسرطان والي يعالج بالكيماوي
وايضًا اصغر اخواني الي يعاني من السمنة المفرطة وقلة المناعة

ابوي طلقها بسبب وسوستها الشديدة
وبالاخير مرض علينا ورافض رفض تام يعزل نفسه
ورافض يكشف او يحلل
وجالس بنص البيت يروح ويجي ولا عليه من احد
بس اهم شيء مايروح لامه وابوه
حجزنا له موعد وقدامنا على اساس انه راح و3 ايام يوميًا نسأله
طلعت النتيجة يقول لا، والحين بنكمل اسبوع والواضح انه ماراح
يعني انتم عارفين ان الوضع هالايام صعبة تحصل موعد
يجي هو بكل استهتار مايروح ويلعب علينا؟
3 من اخواني طريحين الفراش فيهم حرارة وحلقهم متعبهم وصداع
ياناس وش اسوي فيه! انسان كبير بالغ عاقل يسوي فينا كذا؟
نسأله يقول مرض عادي ومكيف وخرابيط مالها اول ولا تالي
فوق ما انه طلق امي عشان هالكورونا وحرصها
الا انه ما نفع فيه وهو الي جابه لنا.. ومنتظرين اي كارثة ممكن تجينا
اجسام اخواني ضعيفة وامي كبيرة مو صغيرة
ويحسب الناس كلهم مثله قادره تتحمل
تكفون فيه رقم او شيء اشكي عليه؟ ياخذونه ونفتك




اضغط هنا للذهاب لعنوان موضوعنا...