حياتي تضيع بسبب الخمول :(
 

السلام عليكم ورحمة الله وبركاته



انا مشكلتي بدت من وانا عمري 15 سنه وانا احس بالخمول هذا
وقتي كله نوم عادي انام يوم كامل و اذا قمت اقعد منسدحه مافيني حيل اتحرك احيانا
طلعات كثيره اكنسلها بسبب اني نعسانه بس اني ماانام :(

الحين عمري 23 ومتزوجه احس مقصرره كثيييييير مع زوجي و طفلي يعني انا اعرف الصح
واعرف واجباتي بس اني اتكيسل عنها مثلا اتمنى اصحي زوجي من النوم يلقى فطوره جاهز
بغض النظر يستاهل او لا بس هذا الواجب و اتمنى اروح المطبخ اسوي غداي انا وياه او غدا
لطفلي اطبخه انا بنفسي بس من الكسل مااقدر احس مافيني جهد

وهذا مايعني اني مااطبخ ابدا لزوجي لا بالعكس اطبخ له بس وقت مايطلب يعني مااسوي الشي من
نفسي .. غير كذا اتمنى اكون مثل البنات فيني حيل اسوي شعري بدون مناسبه و اتمكيج و اكشخ
الخمول هذا مأثر فيني بشكل كبير حتى في دراستي صار لي 6 سنوات فالجامعه وللحين ماتخرجت
وباقي مطوله كثير مواد مااخذتها بسبب اني عجزانه ادرسهم وهم صعبين ويحتاجون تركيز ماادري
ايش اللي رادني :'(

بعد اتمنى فيني حيل اسوي حلويات للعصر و اسوي لي قعده مرتبه بس ماش ولله احس مافيني حيل
ايش الحل تكفون ولله احس بديت ادخل مرحلة الاكتئاب من هذا الشعور الي احس فيه والتعب حتى ولدي
صرت انومه معي لحد الظهر او العصر و زوجي على طول طالع مع ربعه او فالدوام ولله اني اتفشل احيانا
يرجع من الدوام يحصلني للحين نايمه يبدل ويطلع يتمشى مع ربعه :(((




اضغط هنا للذهاب لعنوان موضوعنا...