شبكة ربيع الفردوس الاعلى - [نقاش] مفيش صحبة

السلام عليكم ورحمة الله وبركاته
أنا عبدالعزيز طالب في اولى جامعة
جزاكم الله خيرا على ما تقدمونه وعلى فكرة المنتديات الرائعة :heart:
كان عندي مشكلة بسيطة وكان نفسي أقد أفضفض مع حد يكون فاهمني عرفت اني ان شاء الله سأجد ضالتي هنا :regular_smile:
كنت شاب زي الورد كده ساكن في قرية قريب من المسجد اللي كان فيه الأخوة والصحبة الصالحة مكنتش شايل هم طريق ولا صعوبات طول ما أنا معاهم
وكان ايماني في تزايد بفضل الله وكنا بنتنافس في الطاعة والدعوة وحضور مجالس العلم
ربنا من عليا بمجموع كويس الحمد لله بفضل الله ثم المحافظة على الصحبة دي بس المشكلة حصلت هنا بقى :broken_heart:
دخلت جامعة بعيدة عن القرية فبقيت مش بروح القرية غير يوم أو يومين في الأسبوع أو حتى كل أسبوعين وبدأت الفجوة توسع بيني وبينهم وبقيت حتى وأنا في وسطهم بحس اني غريب حتى لو كنت معاهم .. والمشكلة كمان اني في المكان اللي أنا فيه مش لاقي اخوة يقوني ويمشوا معايا في الطريق خصوصا في الفتن والشهوات اللي بقيت فيها
بقيت عبارة عن شخصين واحد بيحن للماضي وواحد بينغمس في الشهوات .. لدرجة اني مبقيتش منتظم على الطاعة والمصيبة اني مش مواظب تماما على الصلاة فضلا عن قيام الليل والدعوة الى الله .. حاسس نفسي غريب حتى وسط أصحابي ... بقيت شاب عادي
أرجو النصيحة وجزاكم الله خيرا

المصدر...