أواجه مشكلة في القير و المكيف حق سيارتي KIA Cerato 2012
 

السلام عليكم ورحمة الله وبركاته

شلونكم يا حلوين عساكم طيبين . هذي اول مشاركة لي في هذا المنتدى الكريم وارجوا مساعدتكم

اواجه مشكله في قير السيارة حقتي حيث ان السياره غيرت لها زيت القير على الـ100 الف في الوكالة

ولما مشت السيارة 130 بدت تطلع مشكلة وهي اني لما انقل القير من الـP الى الـR أحس بـ طقه قويه كأن واحد يرفس السياره من قدام :blue: ولما احطه في الـD برضو نفس الحكاية .. ويصير كلما يغير نمرة .. يبدا يطق وتجيه هالحاله احيان وتختفي احيان كثيره

قدر الله علي وصار لي حادث راحت واجهية السياره فيها .. بحيث غيرت الرديتر والكوندنسر والمروحة

واثناء ما كانوا يغيرون الرديتر .. فكوا هوزين من الرديتر والظاهر انها حق زيت القير حق التبريد وتاركينها بالارض تخرخر :confused1:

المهم صلحوا السياره وعبوا الرديتر مويه وحطوا فريون وكل شي :) .. مشكلة القير فجأه اختفت ما عاد صارت تجي

بس طلعت مشكله بالمكيف صار المكيف يطلع هوا حار وفجأه يقلب بارد هذا بالنهار .. اما بالليل بارد ماشاءالله :smile:

سافرت من الشرقية للطائف ثم سافرت من الطائف للباحة ورجعت للشرقية قبل امس وداومت

يوم طلعت من الدوام وبشغل السيارة مشيت فيها شوي الا الاحظ مافيها عزم ابد

حولت القير الى العادي .. وانصدمت انه على الغيار السـ6ـادس :confused1: وسرعتي 30 كم/س

المهم :blue: ابي اعرف وش مشكلته وكيف احلها .. اهم شي القير الحين ماتكون مشكلته كبيره ويحتاج توضيب
عاد انا الطفره تقتلني .. مابي شي يضغطني اكثر .. اما المكيف عادي متعودين :) نسوق ف الحر

ملاحظة : السيارة حالياً ماشية 185 الف :bigggrin: ماشاءالله .. عاد افيدوني بخبرتكم وش المشكلة وكيف حلها




المصدر...