ابغ راي حكيم وسديد وخصوصا من الرجال ..
السلام عليكم ورحمة الله وبركااته ..
بحاول قد ماقدر اختصر مشكلتي ويعلم الله اني في ضيقة مايعلم فيها الا رب العالمين مشكلتي بدات مع زوجي من يوم اتغيرت حياته كان امام مسجد وملتزم بكل ماتحمله كلمة التزام من معاني الى ان جاء اليوم الي دخل فيه عالم الدورات وانفتح على العالم والبنات واتعرف على بنت في البداية كانت مكالمات ورسايل بس وانا ياغافل لك الله بعد سنتين من استمرار العلاقة اكتشفت علاقتهم وانهرت ووعدني يتركهاا وحاولت اني انسى وترجع حياتي لطبيعتها بعد سنة وثلاث شهور اكتشفت انو لسة ع علاقة معاها ويخرجوا فنادق وكل شي طبعا انا وقتها رحت لاهلي وماقدرت اتحمل وقلت لاهلي كل شي وقتها زوجي جا لابوي وقال له اني متزوج البنت عرفي وانا راح استمر في علاقتي معاها الين تجيني الموافقه ( زوجي اجنبي وانا سعودية وممنوع يتزوج سعوديتين وهو احنبي ) اضطر يتزوجها عرفي وصارت قصص بعدها رجعت له ع اساس انه لو جاته موافقه يطلقني ويتزوجها مستحيل اوافق اعيش معاه وهو متزوج بعد كل هالخيانه مشكلتي الان اني عايشة معاه وهو يروح ويجي معها ويقولي عقد عرفي عقد عرفي وابوها مايدري عن الموضوع كيف عقدو عرفي مادري عجزرت اتفاهم معاه وماعرف اش التصرف الصح الي ممكن اسويه انا مابغ اطلق واحب زوجي في نفس الوقت ابغاه يرجع زوجي الي حبيته وتخرج هذه البنت من حياتي 😭😭 اش التصرف الصحيح الي ممكن اتعامل فيه معاه !؟ المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين hfy vhd p;dl ,s]d] ,ow,wh lk hgv[hg >> اضغط هنا للذهاب لعنوان موضوعنا... |
الساعة الآن 12:03 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
mamnoa 2.0 By DAHOM