. اكتشفت ان زوجي ابو أولادي مريض نفسي ايش الحل؟!
 

السلام عليكم
هل اطلب الطلاق أو الخلع في المحكمه؟!
انا انسانه هاديه ومالي بالمشاكل زوجي من بداية زواجنا يجيب لي المشاكل والله كنت اسهر الليالي وانا دموعي على خدي من الزعل والمشاكل وشايله هموم كنت اسأل نفسي ليش كل يوم لازم مشكله ليش كل يوم صراخ ايش الاغلاط الفادحه اللي تستاهل كل ردة الفعل هذي مالقيت اجابه لمده ١٢ سنه ١٠ سنوات في بيت أهله ومن سنتين أخذنا بيت ملك وعمري ٢٨ بعد كم شهر بصير ٢٩ سنه عندي ٤ اطفال زوجي ٤٠سنه تزوجته طفله بريئه ماعرف شي من الحياه غير الدراسه واهلي يعاملوني احسن معاملة يوم شفت معاملته لي انصدمت دايما يحط الغلط علي حتى لما هو يكون غلطان يقول انتي السبب يتهجم علي بالسب والشتم ويقول انتي السبب عشان ردة فعلك نرفزتني انتي السبب تخيلوا هو يكسر كوب يقول انتي السبب ويلعني ويسبني ويصرخ في وجهي
امس حبيت اغير مكان الجلسه والتلفزيون قلت له يساعدني راح حرك الطاولة وكسر الرخام اللي فوقها صار يصرخ ويقولي طفشت منك ويلعني ويسبني ويتهمني بأني السبب لو ما طلع الجني اللي في رأسك وصرتي تخربين في البيت كان الطاولة ماحركتها ومانكسرت انتي السبب
اليوم زرنا أهله وأمه كانت معزومه جلست معانا دقايق واطلعت وبقينا مع خواته ومروهم ازواجهم وطلعوا ولدي الصغير يحن يبغى شبس وشوكلاته وصار زوجي يدور مفتاح غرفة أمه يقول فيها شبسات ومو لاقي المفتاح قلت له ماله داعي خلاص الحين نطلع ونروح البقاله وتشتري له و يمكن امك ماخذه المفتاح معاها صار يصرخ في وجهي ويقولي بطلي لقافه يالملقوفه ايش دخلك بيني وبين اهلي!!
وهذا الكلام بصراخ يعني إخوانه اللي فوق اكيد وصلهم الصوت وقومي يالله باوديك لأمك يالله قومي
وركبنا السياره ويكمل انتي ماتسوين ريال وانتي غلطه وانا ندمان تزوجتك ورجعنا البيت ودخلت غرفتي وسكرت على الباب )) وكثير قالها لي انتي غلطه وندمان ومتحسف و قلت له كثير صحح الغلط وخلينا نفصل يقولي يالله روحي لأهلك الباب يوسع جمل يعني بايعني ويبيني انا اللي اروح وتخيلوا عدد المرات اللي قالها لي و رحت فيها عند اهلي على اختلاف المواقف التافهه لكن ردة فعله نفسها وكلها اهانه لي واجلس بالاشهر عند اهلي وتدرون إيش يسوي يجي ويقول لأهلي بنتكم مراهقه وكل كلمه والثانية تطلع من البيت مايقول انه طردني وينكر انه يسبني ويشتمني مع انه يجيب لي الجوال ويقول دقي ع اهلك ياخذونك وانقلعي وسب وكلام ماينقال
أو لمي عفشك وانقلعي لأهلك وبعدها ينكر يقول بنتكم تطلع من البيت على كل خلاف
له وجهين وجه يعاملني فيه في البيت ووجه يعاملني فيه قدام الناس اهلي خلاص انكشف لهم وجهه الحقيقي من كثر المشاكل وصار إذا طردني أو بينا خلاف مايروح لأهلي لأنهم كشفوه صار يروح لخالي وعمي ويقص لهم قصص كذبيه سوت وقالت وطلعت من البيت وأهلها في صفها وكل مره يروح لعم ثاني ولخال ثاني ويسوي الدراما يمكن تستغربون لو اقولكم هو مختارني ماني اختيار أمه ولا خواته كنت صديقه اخته وشافني وحبني والكل قاله فرق عمر يقول ابيها ماحد له دخل خطبني مرتين المره الأولى اهلي قالوا صغيره ع الزواج ورجع بعد كم شهر خطبنى ع اساس ملكة بس لين اخلص الثانوي بعدها صار مستعجل يبي نتزوج وكل زياره يقول متى الزواج وماابي انتظر وكملي دراستك واحنا متزوجين وتزوجنا وبسرعه يبي أطفال وكل حمل وراء الثاني . وصلنا الشرطه والمحاكم مره لأنه ضربني لاني سويت شعر بنتي استشوار وحطيت لها مناكير وأخذت تقرير ورحت الشرطه
ونكر انه ضربني وماتنازلت عنه الا بعد ماوقع على تعهد بعدم التعرض بالضرب والاهانه ومن يومها مامد يده لكنه للان يهدد بالضرب وانا على طول اقوله إذا مديت يدك عارف ايش بسوي وتقابلت معاه في المحاكم لأنه مره طردني لأن اطفالي كبوا عصير وما انتبهت ومامسحته وماقبلت ارجع له خلاص كنت ابي أتطلق منه وهو مصر وينكر انه طردني ويقول ماطردتها قلت لها امسحي البلاط ازعلت وهي سبب المشاكل ولازم ترجع لي وتبطل تصرفاتها وبعدها حولونا على إصلاح ذات البين ورجعت له هالكلام من ٤ سنوات ومااطالبه لابمؤخر ولا شي عشان يسوي كل هذا كثير قلت له إذا كارهني وتسوي افلام تبي تطفشني طلقني ماله داعي اللف والدوران اخر مره زعلت فيها عند اهلي من ٤ سنوات لاني عرفت وتأكدت أن مافي رجاء منه ومستمر في تصرفاته يقلل مني ومن مجهودي ويجحد مهما اسوي دائما يقول لي اذكري شي واحد سويتيه عشاني وإذا عددت له يقول لا هذا سويتيه عشان عيالك انا جامعيه ومتخرجه من تخصص دقيق وصعب وهو ثنوي ومخلصها ليلي وع كبر ويقلل مني ويقولي غبيه خبله ماتفهمين شي عيالي متفوقين دراسيا وابذل جهد كبير معاهم وإذا راح مجلس الآباء وامدحوهم المدرسين يقول وارثين الذكاء منه ومعتمدين ع نفسهم.. انا أجمل منه بمراحل ماعمره تغزل فيني وعيالي يشبهوني و مايحب احد يشبهم فيني ويقول للناس ولاهله عيالنا يشبهون بنت عمة ابوه
يتهمني ويتهم الاولاد بالغباء والجنون والأمراض النفسيه وتوه قالها لي انتي مريضه نفسيا ومكانك مستشفى الأمراض النفسية وهو الوحيد العاقل المنزه عن الاغلاط وأفضل انسان على وجه الارض من فتره صرت ابحث في اليوتيوب عن الشخصيات اللي تقلب الحقائق وتزيف الكلام ويرمون اغلاطهم على الغير ويقللون من غيرهم فعرفت انه نرجسي سيكوباتي وهذا مرض نفسي يحب يدمر الشخص اللي معاه ويحط كل عقده فيه وماله علاج غير التجاهل اتجاهل كل شيء يصدر منه أنسب وانهان وانطرد وياحيف وياندم على زواجنا ويصرخ في وجهي ويتهمني في شرفي لو احد ناظرني في السوق مثلا وأنا السبب الرئيسي وراء كل شي غلط في حياته واتجاهل ولا تكون لي ردة فعل كلمت اخصائيه اسريه وقالت لي زوجك معاه اضطراب نفسي وشخصيته هستيريه
وإذا مااقدرت اكمل انفصل عنه لأن هالمرض ماله علاج وحتى لو فيه علاج هو مو شايف نفسه مريض
ايش رايكم؟




اضغط هنا للذهاب لعنوان موضوعنا...